Types of income www.sharemarkethindi.com

Types Of Income

Print Friendly, PDF & Email

Types Of Income (Kamai Kitne Tarah Ki Hoti Hai)

Types Of Income, IS Topic Me Mai Aapko Bataunga Ki Income Yani (Kamai) Kitne Tarah Ki Hoti Hai ? Aur Aapko Kis Tarah Ke Income K Lie Kaam Karna Chahie, Taki Aap Apne Jivan Me Financial Freedom Hasil Kar Sake, Aur Wo Sab Kuch Kar Sake Jisme Aapko Khusi Milti Ho,

Garib Kyo Garib Aur Amir Kyu Aur Amir Hote Jate Hai ?

Apke Man Me Ye Do Question Jarur Aate Honge –

  1. Aakhir Log Bahut Adhik Hard Work Karne Ke Baavjud Jindagi Me Kuch Jyada Successful Ya Amir Kyu Nahi Ban Paate Hai ?
  2. Aur Kuch Log Kam Ya Nahi Ke Barabar Bhi Kaam Karke Amir Kaise Ban Jaate Hai?

To Aaj Is Post Ko Padhne Ke Baad Aap Ye Jarur Samjh Jayenge Ki Aakhir Aisa Kyu Hota Hai?

Aaiye Sabse Pahle Jaante Hai Ki-

Income Kya Hota Hai?

Income Wah Paisa Hota Hai, Jo Ham Ek Nischit Samay Ke Antral Par Lagbhag Nischit Matra Me Milta Rahta Hai,

Jaise – Salary, Rent, Pension, Interest from Bank Deposits, Business Profit, Etc.

Income Kamane Aur Paise Kamane Me Fark Hota Hai.

Aap Dhayn Se Dekhenge To Payenge Ki Paisa Kamane Aur Income Kamane Me Fark Hota Hai,

Jaise- Lottery (Jua) Khelne Se Bi Bhi Paise Kamaye Ja Sakte Hai, Lekin Jue (lottery) Se Ham Regular Paisa Nahi Kama Sakte Hai,

Aur Islie Ye Kaha Ja Sakta Hai Ki Lottery Se Paisa To Kamaya Ja Sakta Hai, Lekin Income Nahi Kamyaa Ja Sakta,

Is Tarah Ye Clear Ho Gaya Ki Income Kamana Aur Paisa Kamana Dono Alag Alag Baat Hai,

Aur Islie Aapko Paisa Kamane Par Nahi Balki Hamesha Income Kamane Par Dhyan Dena Chahie,

Ab Aaiye Jaante Hai Ki – Income Kitne Tarah Ka Hota Hai Aur Aapko Kaun Sa Income Kamana Chahie ?

Types Of Income?

Types Of Income Yani Kamai Tin Tarah Ki Hoti Hai

  1. Active Income
  2. Passive Income
  3. Portfolio Income

Aaiye In Tino Ko Detail Me Samjhne Ki Koshish Karte Hai,

Types Of Income: Active Income

Active Income Wo Income Hota Hai, Jis Income Ke Lie Hame Active Rup Se Kaam Karna Padta Hai, Yani Jab Tak Ham Kaam Karte Hai, Tabhi Tak Paisa Milta Hai,

Kam Band Matlab Income Milna Bhi Band Ho Jata Hai,

Active Income Me Ham Apne Time Ke Badle Paisa Kamate Hai, (we actually exchange money for time)

Jaise – Kisi Bhi Tarah Ke Job Se Milne Wali Salary, Daily Wages (Dahadi Majduri) Pe Kaam Karne Se Milne Wali Income,

Koi Bhi Aisa Business Ya Work Jisme Hamara Hona Compulsory Ho, Jaise- Kirane Ki Dukan, Ya Kisi Tarah Ki Dukandari Ka Business Jisme Malik Waha Par Rahta Ho Aur Active Rup Se Kaam Karta Ho,

Iske Alawa, Agar Koi Engineer, Doctor, Advocate, Charterd Accountant Bhi Agar Khud Hi Kaam Karta Hai Aur Paise Kamata Hai, Aur Wo Jab Apni Office Kholta Hai Tabhi Use Income Hoti Hai, Aur Jab Wo Holiday Pe Ratha Hai To Uski Income Band Ho Jati Hai,

To Is Tarah Ke Sabhi Income, ko ACTIVE INCOME Kaha Jata Hai,

SIRF ACTIVE INCOME KAMANE SE AMIR (RICH) NAHI BANA JA SAKTA

Maine Is Post Ki Shurat Me Do Question Pucha Tha, Pahla Ye Ki, Aisa Kyu Hota Hai, Ki  Zindagi Bhar Bahut Jyada Hard Work Karne Ke Baad Bhi, Jyadatar Log Amir Kyu Nahi Ban Paate Hai,

To Is Sawal Ka Sabse Sahi Jawab Hai – SIRF ACTIVE INCOME Pe Depend Rahne Ke Kaaran hi aisa hota hai,

Jaydatar Log Sirf Active Income Par Depend Rahte Hai, Aur Islie We Kabhi Lambe Samay Ke Lie Amir Nahi Ban Paate Hai,

English Me Ke Kahawat Hai – If You Don’t Know Making Money While You Sleep, You Never Get Rich,

Yani Agar Aap Sirf Active Income Par Depend Hai, Aap Paise Tabhi Kamate Hai Jab Aap Kam Karte Hai Aur Aapke Ap Dusra Koi Income Source Nahi  Hai To Is Baat Ki Puri Gaurantee Hai Ki Aap Kabhi Amir Nahi Ban Sakte Hai ,

To Aisa Ho Sakta Hai, Ki Aap Jindagi Bhar Paise Ke Lie Kadi Se Kadi Mehnat (Pure Hard Work) Karte Rah Jayenge Lekin, Kabhi Amir Nahi Ban Payenge,

Aur Islie Hamare Desh Ki 90 % Se Bhi Adhik Aabaadi Kadi Mehnat Karne Ke Baavjud Garib Ke Garib Hi Rah Jate Hai, Kyuki Wo Jindagi Bhar Sirf Kadi Mehnat Hi Karte Rah Jaate Hai,

Wo Ek Hi Tarah Se Paisa Kamana Sikh Paate Hai, – Active Income

Kyu Active Income kamane wale Amir nahi Ban Sakte ?

Active Income kamane wale log Jab Kaam Karna Band Kar Dete Hai, To Unke Bachat Ka Sara Paisa Dhire Dhire Medical, Ya Any Tariko Se Kharch Hone Lagta Hai,

Aur Last Me Unke Pas Paisa Bachta Hi Nahi Hai, Aur Na Hi Koi Aisa Income Source Hota Hai Jaha Se Unko , Kam Nahi Karne Ke Baavjud Paisa Mile,

Aur Islie Jyadatar Log Kafi Kadi Mehnat Karne Ke Baavjud, Unke Pas Paise ki Hamesha Kami Bani rahti hai, Aur Is karan we kabhi Amir Nahi Ban sakte.

Types Of Income: Passive Income

Active Income Ke Thik Ulta,

Passive Income Wo Income Hota Hai, Jisme Aapka Active Rup Se Kaam Karna Jaruri Nahi Hota Hai,

Passive Income Me Aapka Banaya Gaya Business Ka System Aapke Lie Kaam Karta Hai,

Aur Aapke Active rup se Kaam Nahi Karne Ke Baavjud, Aapko Baithe Baithe Ek Nischit Samay Par Income Milta Hi Rahta Hai,

Jaise – Aapne Ek Hotel Shuru Kia Aur Baad Me Us Hotel Me Ek System Bana Diya, Ek Manager Rakh Diya, Aur Ab Aap Ghar Baithe Hai Aur Aapke Piche Aapke Hotel Ka System Sahi Tarah Se Kaam Karta Hai, Jisko Aap Apne Manager Ki Help Se Aaram Se Bina Actively Kaam Karte Hu Acchi Tarah Se Sambhalte Hue Acchi Kamai Kar Rahe Hai,

Aur Isi Tarah Aisa Koi Bhi Business, Aisa Koi Bhi Kaam Jaha Se Aapko Income to Milta Hai, Lekin Us Income Ke Lie Aapko Active Rup Se Kaam Nahi Karna Padta, to Is tarah ke Income ko Passive Income kaha jata hai,

Iske Alawa Passive Income Ke Kuch Aur Example Hai –

Internet Business (Affiliate Marketing, Google Adsense Income, Youtube, Blooging Income,)

Real Estate Business (Ghar, Plot, Makan, Dukan ) Se Milne Wala Kiraye (Rental) Ka Income,

 

Types Of Income: Portfolio Income

Portfolio Income Kafi Had Tak Passive Income Hi Hai,

Portfolio Income Me Aapka Paisa Aapke Liye Kaam Karta Hai,

Jaise – Aapke Acche Investments, Bank Deposits, Bonds, Gold, Commodities, Stock Market Investment, Mutual Fund Investment,

Yaani Jab Aap Apne Pasise Ko Aisi Jahag Pe Invest Karte Hai, Jaha Se Aapko Ek Regular Income Milne Ki Ummid Hoti Hai, To Is Tarah Ki Income Ko Portfolio Income Kahte Hai,

 

Summary: Types Of Income

Dosto, Ab Aap Samjh Chuke Hai Ki Income Tin Tarah Ka Hota Hai,

Aur Active Income Ke Kaaran Hi Jayadatar Log Hard Work Karne Ke Baavjud Jidagi Me Kuch Kas Nahi Kar Paate Hai,

Jabki Amir Log – Passive Income Aur Portfolio Income Kamate Hai, Aur Isi Kaaran Amir Aadmi Kam kaam ya Kam Nahi Karne Ke Baavjud Aur Adhik Amir Ho Jata Hai,

Sath Hi Aapko Is Post Se Ye Jarur Samjh Aaya Hoga Ki –

Agar Aap Bhi Amir Banana Chahte Hai To Aapko Kis Tarah Ki Income Ke Lie Kaam Karna Chahie, Taki Aap Bhi Financially Free Ho Sake,

Ummid Karta Hu Ye Post Types of Income Aapko Jarur Pasand Aaya Hoga,

Aap Apni Ray Ko Niche Comment Dwara Bata Sakte Hai,

Thanks For Reading.


फाइनेंसियल फ्रीडम क्या होता है ?

इनकम क्या होता है ?

पैसिव इनकम क्या होता है ?

 

One Response

  1. Bhola yadav November 17, 2018

Leave a Reply

This site uses Akismet to reduce spam. Learn how your comment data is processed.